26.12.12

愛情來臨的路徑



朋友的愛, 家人的照顧, 自我的成長
總是在無心的安排下出現

或者, 愛情也是這樣
喜愛以你預計不到的方式進場
若你為對方設了多種的要求
為自己設了多種的界線
愛情可以來臨的路徑便少了
明明它可以帶給你的幸福是一樣啊~

19.12.12

全人類放假去



看著一個又一個同事, 高層21日開始放年假
我只感覺他們不想末日死在辦公室, 哈哈哈哈



又, 21日是冬至
祝大家一家團聚完先好世界末日!

2.12.12

世間存在"罪孽"嗎?



(部分劇透)

以前很愛看黑色主題的影片
因為內心早已被無力感蠶食出一個大黑洞
只有黑色的主題可以稍微撫平
甚至找出曲線的勵志來

不過最近內心改變了
不想再一味地哭泣, 流淚 (而且我哭不出, 更槽)
想把清醒的時刻用來享受和笑
所以逃避了現實生活很多不如意的事

我看的"贖罪"是日本電視劇版本
和香港快上畫的電影版可能有所不同
"贖罪"是"告白"作者湊佳苗的另一作品
故事是說一個小女孩被姦殺
4位女同學看見凶手的面, 但說不出他的特徵
小女孩的媽媽火上心頭, 無意中對女孩們說
要麼記起凶手的面, 要麼用你的餘生贖罪

一句無心的說話, 在女孩心中扭曲發芽
"贖罪"的定義, 女孩們有各自的解釋
有人自我懲罰, 有人盡力逃避,
有人選擇無視, 有人抱憾終生


由出生到死亡
人每日面對大大小小的問題
不可能做到面面俱圓
傷害, 被傷害, 浪費光陰
生命的花火下盡是遺憾
沒有人死後可以憑潔白榮耀上天堂
有人甚至連活著也需要勇氣

為著逃避生存所需要負上的擔子和責任
故事中的角色認定自己是個罪人
等待被救贖的一天來開脫
到底有多少事情是當年事件造成
有多少是必然存在
觀眾很清楚
亦看得心酸






世間存在"罪孽"嗎? 不
"罪孽"只是人類自己的假想仲裁
真正存在的, 可能只有"惡念"和"痛苦"
女孩的媽媽放棄了追究真相
女孩們卻被"罪孽"兩個字毀了人生
故事的尾聲
沒有人再追究女孩的媽媽
但她被突如其來的罪孽
推到贖罪的入口
而不知道放棄惡念惡行, 忘記痛苦才是出路


"贖罪"沒有"告白"的震撼感
也沒有特別的拍攝手法
除了演員們演得很出色 (特別是愈看愈有韻味的小泉今日子和氣質美女蒼井優)
其他一切看得很累
心境, 好像真的不一樣了

25.11.12

笨笨的死法


I wonder what's this red button do......

死真的很容易啊哈哈哈哈~

11.11.12

男人的祕密



常說女人最在乎自己的年齡
其實我覺得
男人也差不多

不少三十歲過後的男人很愛問別人一個問題:
你估我幾歲?

問的人可能認為自己看起來很年輕
相信別人一定會回他減"5至10"的歲數
然後他便有機會吹噓各種的養生處方
或感嘆身邊沒有年輕的另一半看上自己

而由於小弟長得一臉天真無邪(?)
看起來內心住了一位說好話, 存好心, 做好事的天使
我算是經常性被問

可是凡事不能只看表面
小弟我一般會把男人估大2至20歲 (行雷)
人生有幾多個十年呢? 我把別人估大了足足二十年
到底是香港男人不襟老
還是我的判斷能力和橫財運一樣走偏了? (是走正了吧, 會中獎的才叫走偏)
反正叫我估歲數的男人
18變22, 25變35, 35變47, 50變70

曾經有位中醫師
他地中海, 爛牙, 氣色差, 雙目無神
雀斑多, 皮包骨, 肚凸胃凸, 指甲也不好看...... 天啊我會否下地獄
叫我猜他多少歲
我想你這個樣子也敢叫我猜
應該有一百零一歲吧媽啊太利害了!!
幸好老媽沒有生我美貌但生了我智慧
我只是虛應了一下就迫他開估
他回我七十了是不是看不出(笑)?

第1, 任何有思想的物種應該都看得出
第2, 你應該未見過人類, 因為公園隨便一個老頭都比你體面
第3, 我之前看診的錢應該和丟到公海沒有分別, 趁我還有時間和生命快點轉醫師吧

其實這些問題根本就不應該存在
外表的誇獎
由別人口中主動跑出來才珍貴啦

7.11.12

和諧家庭法則 - 3C產品篇



基本上, 每日最大的恐懼之一
就是回到家被老媽問我手機怎麼用:

X字怎麼寫, 標點在哪?
mon怎調教光度, 怎改鈴聲?
怎麼照相?怎麼拍片?
whatsapp怎改state, 怎加icon?
怎放圖片, 怎放影片?
FB怎send msg, 怎發表state?
怎給comment, 怎開相本?

相同的問題
相同的答案
歷時一年3個月

就像"每天愛妳第一次"的女主角一樣
就算白紙黑字記下方法
她第二天還是會用一種"老娘今天第一次用手機"的tone再問我
令我懷疑昨天是不是一場夢
或這根本是一場整人遊戲
鏡頭被藏在牆壁的角落裡之類

幾個apps已經如此折磨人
有甚麼比這更可悲?
答案就是: 多幾個新apps

有一次
老媽和朋友用完膳回家
叫我教她用xx apps, yy apps, zz apps
但不要說下載, 我連見都未見過那幾個apps
就向老媽求證

"那些是剛才別人幫我下載的, 但他們沒有教我怎麼用"
我在思考幫別人下載軟件, 但不負責教是否合法的同時
也為到未來更多的提問而心頭一緊
想起前同事說過:
" 我自己不會教家人用手機,
所以死也不會為他們買智能手機!  "
原來她的想法一點也不極端啊啊啊啊


我現在的做法,
是採取3個不: (四奶奶上身)

不教打字 - 要她用手寫, 用同音字或英文代替, 或直接打電話
不教重複 - 3次是極限, 反正教了3次還不明白, 再問300次也是不明白!
不教新apps - 這很重要, 裝作未用過這個apps不懂操作, 減少她主動下載新apps

不過啊, 每次不教她她真的會記在心裡
有一次問我X字怎麼寫
我回她用同音字替代啦, 老子不想再教你啦!  (堅決)
她竟然用哽咽腔回我:
"有時...我真係好憎你......"

明明下午我才洗完廁所心中full of孝順的感覺啊 (震驚)
3C真是一種很可怕的東西......

1.11.12

驚青

小弟係一個好驚青嘅人

一開始睇小說或者煲劇
會5個單元合併做1個睇
幾日之內例必睇到結尾
驚死故事人物襯我訓著竄改左啲結局

屋企買左幾個新衣架
發現新衣架方便好用
會貼錢請老媽換晒50幾個仲用得嘅舊衣架
驚死新衣架比風吹走比人偷走比螞蟻叼走

買左一件ok 嘅素色外套
會好想買埋其他同款唔同色
加多一件同款同色
驚死全世界嘅製衣廠同心合力唔再出呢款冷恤

朋友whatsapp約食飯
大半日都未約實
我會心煩失眠多疑出汗躁食慾不振
直接打比對方約實一個星期後嘅時間地點
驚死對方一個星期後出家或者應承比外星人做研究


結語: 小弟係一個好冇耐性嘅人

30.10.12

表格上的藝術家


(from 【蠟筆小新】終於買了新車)


【上次】提過我是寫得一手醜字的男人
碰巧最近忙於面試
除了填表字醜這件事心靈受到傷害之外
有表格必定填錯資料都會踩到內心的痛處

例如Name_______
我填了英文名全寫
然後會發現0.1cm後面寫著(中文)

例如Work Exp ____ ____ ____
我填了Designer/OT Unlimited Co/89-98
然後會發現0.1cm上面寫著(Date/Post/Co Name)

有時時運低
填了Address做N.T.,H.K.,Hong Kong
學校公司名串錯
Email填錯不常用的email
簽名用錯英文(我簽名常常都中英花名亂用, 有一日醒來可能會提不了款)
最精彩是好好的寫自己名字都會寫錯

後來每次申請甚麼甚麼
我填一份表格都會多準備兩三份空白備份
除了綠色和平可能會爬上我家外牆示威抗議之外
還有一個隱憂就是沒.有.備.份
見工就是其中之一
雖然每次都想抓著祕書小姐的腿哭號多給我兩份副本
但身為假裝自己是細心專業可靠的求職者
面試表格怎麼可以拿完又拿拿完又拿呢?
最後表格就會長得像主圖那樣
成為幼兒潦草字和無數簽名的完美結晶

19.10.12

關於搵工




每次搵新工嘅時候
都有一種好似搵人包養嘅感覺 (最好係)
買方post上要求嘅長相同身材
你email返待遇過去
買方有興趣, 就通知你面測

上到去
買方通常都係隨性打扮
然後用冷漠嘅眼神同語氣問你:

我地平時咩咩好長時間個喎, 你得唔得嫁?
我地平時會玩開呢啲呢啲野, 你接唔接受到先?

而你,
由頭到腳到肢體語言都裝出最完美嘅一面
溫柔親切得黎, 不失專業又想討好對方
然後下一個買方
下一場面測

一日五六十個post
你過濾到不足幾個
按買方要求
send出一封好似上世佢係梁山伯你係祝英台嘅email
每日輪迴再輪迴
面測再面測
最後其中一兩個唔夠一個鐘頭嘅面測
決定你往後3,5,7年嘅包養生活
...完



(講開又講)
老闆或者主管interview擠都唔笑
通常代表公司士氣唔多好
以前做過一份part-time
公司靜到好似陵墓咁
跌左一本書, 全公司都聽得到
算係做過最精彩嘅一份工作

15.10.12

用生命去買六合彩




打左電話去問
上次in個份工已經衰左
係用生命去買六合彩嘅同時 (ok我嘅生命只係值10蚊)
開始要諗下下一步點做

14.10.12

未來沒法計算


(from www.facebook.com/flyingmouse365)


未來本來就冇辦法睇通睇透
或者係以前我太過驕傲
相信未來嘅路可以規劃可以控制
不知不覺間擔起太多嘅責任

8.10.12

永久居留




可能係擔心故事太過唯美 (姐係假)
又同現實生活會有好大出入 (姐係韓劇個啲)
雖然係圈子入面浮沉
但我好少睇同志電影
連斷背山都冇一次睇得完 (我唔會承認其實係因為佢好悶呢個原因嘅)

"永久居留"嘅劇情其實好簡單
圈內人嘅Ivan愛上直男Windson
Windson一直攪唔清楚對Ivan嘅感覺
兩人離離合合離離合合
最後Windson意外升天造就呢段有缺憾嘅愛 (上左3年畫所以我劇透)
而值得一提嘅係成個故事乃雲翔導演嘅親身經歷 (驚嘆)


我年少無知
對愛嘅認知唔多
不過我相信世上有幾種愛係最吸引人

i 初戀
ii 曖昧
iii 朋友以上戀人未滿
iv 愛得激烈, 但foresee唔到前面嘅路
v 得唔到嘅愛

Ivan同Windson算係有齊以上5過情況
所以我好鍾意佢地呢段關係
不過愛得深痛得深
當時人應該已經昇華左呢段關係
先有力爬返起身吧?


網民亦都好讚賞Ivan愛屋及烏嘅情懷
Windson離開左Ivan身邊
偏偏老媽患病
Windson冇能力照顧自己老媽
Ivan花錢花時間照顧佢
之後老媽去左
大家一齊安排埋白事
呢個時代
陰謀論d可能會諗
Ivan你係咪想Windson欠你一世!?
不過都係個句
Ivan嘅感情一早昇華左
佢知道Windson唔會返黎自己身邊
可以將佢對伯母嘅呢份愛
當係親人嘅愛
或者無條件嘅愛


最後係生死嘅問題
套片提過基督教嘅永生
又提到未來人類破解DNA成功
人類會好長命
Ivan細個個時比師父批佢得30歲命
但結果Windson返而比佢行先一步
我冇諗得太複雜
生命火花震撼偏偏又好渺小
可以嘅話好好珍惜你嘅時間



不過Ivan間間房都有棺材
真係宿命界嘅翹楚~~

7.10.12

ok我有公主(子)病


(以上為星星眼示範)


是咁的
好耐之前
係偶然嘅機會下
識左一個社工朋友
因為成日懷疑自己有抑鬱焦慮社交恐懼之類 (好多煩惱阿我)
所以請佢幫我開case
偶然見面傾下
佢話我唔係抑鬱病
而係公主病
(我幻想自己眨住星星眼,
同飄零燕手拖住手係阿爾卑斯山上面奔跑
我真係有病...)

因為係公主, 超介意自己外表, 成日想用(未曾有過嘅)最靚嘅一面示人
因為係公主, 想保護自己嘅好名聲, 要全世界讚賞自己 (死左比較容易)
因為係公主, 完美主義, 吹毛求疵
因為係公主, 想要嘅野一定要得到手 (出左街買野, 買唔到我會十級空虛)
因為係公主, 期望同現實不乎就會好焦慮 (其實我好驚睇戲, 因為希望愈大失望愈大)
仲有好多真係公主病少少嘅情況
不過我好驚未來老闆goo到呢篇野我會玩完
所以寫少少少
朋友話性格係天生
我又冇傷害到人 (我98%嘅不悅都唔會寫係面上, 我係一個善良嘅公主)
所以多d接納自己就可以啦




公主病呢家野佢同我係半開玩笑咁講
佢認為我係生活太少寄託所以成日疑神疑鬼
建議我搵多d野玩下
放鬆下自己
不過我真係唔知可以做咩 T_T

同埋, 雖然我係公嘅應該寫公子病,
不過公子病讀起黎怪怪地
所以就公主到尾算

(然後提起公子病
我就幻想到一個男人著住唐代古裝,
潑住中國扇企係木橋上面傻笑
旁邊有G4係到灑銀紙好壯觀啊~~)

1.10.12



有邊個可以緊緊捉住流沙?
愈捉得緊, 生活點滴就愈容易溜走
該留嘅留, 該走嘅比佢走
道別嘅時候笑一聲就可以啦

30.9.12

靠得住嘅 ”逆天奇緣”



試想像宇宙有個星球
有個空間
有兩個地面
一個係天
一個係地
天上嘅土地有自己嘅地深引力
係地上人眼中明明係異類嘅顛倒世界
但竟然有兩片土地嘅絕對控制權
天界血統高貴
地界貧窮低賤

然後有一日
地界嘅男主角阿當係高山山峰遇上天界女孩夏娃
佢地鐘意左對方
冒險年復年穿越天地界見面
一次意外, 夏娃失去消息
阿當係多年後
發現夏娃依然生還
決定冒死進入天界
搵返佢嘅一生最愛


--------------------------

呢套戲嘅特技我好想比99分佢 (留1分做退路)
佢真係完全說服到我去相信故事嘅世界觀
繼而相信個故事
之前都驚佢比"潛行空間"食左個勢 (因為兩張海報反轉左嘅天太似)
睇左頭20分鐘已經放心

"逆"劇情唔算複雜
亦冇咩沙石
結局亦都冇爛尾 (呢點好重要)
好少可可以咁舒服咁睇完一場戲

科幻故事總係有啲唔合理嘅位
"逆"都有
不過可能故事比較直白, 世界觀設定又做得好
你唔會太有駁故嘅衝動

如果想買飛入場睇
我相信睇完你會覺得值得
不過有個小叮嚀:
"逆"的愛情位都幾多下
有d位停留太耐, 攪到好似想比啲時間觀眾摸下錫下咁 (係堅的)
所以絕對唔建議一個人去睇
可以約fd (多個人一齊尷尬)
或者學小弟約屋企人去睇 (事實上家母都比90分佢, 算係合家歡(?)嘅電影)
國內"新24孝"嘅其中一頂係帶父母去電影院睇戲
多啲帶阿爸阿媽出去見下世面啦



(其實係自肥..)



28.9.12

其實我怕死



圍牆越要高 才能爬越更高
懷著赤子心一雙



今日in左新工
等兩星期通知
如果成功
我就算係徹徹底底轉行

新工時間唔好就
遲d仲有機會要返輪休
人工唔穩定
香港市場post唔多
呢間in唔成基本上呢行可以放棄

尋晚突然10級淆底
衝動到晚上10點半想打去取消面試 (我有對方手提)
同朋友傾左好耐
佢支持我去試一試
我好感動 (但依然10級淆底)
終於忍住手, 上左去interview

in得成會點?
in唔成又會點?
我唔敢諗

...煲劇算!

24.9.12

執野啦阿B


博客來點我

小弟有個習慣
就係當心煩嘅時候好鍾意執野同丟野
人係屋企就執晒全屋看得見嘅部分
人係公司就執枱面同埋電腦桌面
有件好無聊嘅風光史
就係我printscreen過自己桌面比朋友睇
朋友問我係咪photoshop執過黎 (驚嘆)
因為除左recycle bin同兩個資料夾之外
我桌面咩都冇, 包括ie同我的電腦
我聽左自high好耐好耐

我真心覺得
有個整齊(或者咩都冇)嘅環境
個人嘅決策效率會高左
風水上都會好d (係堅的)

然後我有日無聊係書局見到主圖本書
我想比十個like佢
佢係一本說服人丟野嘅書
而丟野之於我等同道路真理生命
係佢幫助下
我丟了一小堆冇我名嘅獎座
一大堆好貴但用左一次唔想再用嘅髮泥定型水洗臉水
唔想得失嘅親戚自我感覺良好送比我嘅厚裝書
唔會(亦都唔想)再睇嘅學校教材同參考資料
一堆見到就難過嘅舊相 (我依家7, 但舊時更7)

佢嘅中心德目就係
如果果舊野同佢背後嘅回憶阻礙你前進
包括唔開心嘅回憶, 過於思念嘅回憶
或者過去日子太風光太有成就
呢d野能丟就丟
舊野唔係到, 你自然就可以一步步走向前

其實係香港生活
除左必需品之外
看得見嘅野, 看唔見嘅野
可以咩都唔擁有係一種福氣

15.9.12

海中心感應涼風

走出香港站
上樓梯, 上樓梯, 上樓梯
越過層層的地產經紀人牆
越過天橋上賣旗的中學生
一陣海風吹過
像在告訴我,
可以停下腳步, 欣賞大海
是多麼幸福的一件事

14.9.12

加班亂象之推飯局

每次知道未來日子要加班
都會推晒朋友一至六嘅約會
有朋友會表示理解並同情
有朋友會表示我頂你然後笑返再約時間
有朋友會表示你份咩工黎嫁人工唔高工作量大又返埋星期六*好心咪粗口做啦

其實自己份工幾訓地下自己點會唔知
工作難捱固之然辛苦
但最辛苦莫過於身邊嘅人唔理解自己怪自己
好似穿Parda的惡魔入面個女仔
老闆霸道只係佢放棄嘅導火線
真正難頂嘅係佢同唔到爸爸食飯爸爸怪佢
同朋友食飯食到一半要走朋友怪佢
同居男友都頂佢唔順要分開冷靜下 (最好係你有本事養埋佢)
結果明明只係要頂一年
四面楚歌下係最後一個月衰收尾

當然我冇怪佢地嘅意思(?)
會生氣會講廢話係好正常我都成日講 (我也有同伴)
只係今日發住燒返工又推左一個好朋友嘅飯局心理好唔平衡
與其學女主角飛公司電話落水或者大叫"Fuck you, Miranda, Fuck you!"(小說版本)
不如打篇野送比今日都幾訓地下嘅你
祝大家(今日)早日逃離勞房...




距離Last Day 26號仲有13日

*其實係五日半加班變六日

12.9.12

又等Last day



(from 我是馬克)

對, 我又辭職了
今次直頭決定轉行

然後Last day前的日子照舊辛苦到想死 (詛咒?)
上星期有4日清晨12點先放工
連東涌線都放棄, 搭最後一班巴士回家

仲有2個星期
要愛惜身體, 唔好比壓力爆煲

之後嘅路
隨緣

8.9.12

埋葬煩惱

曾經聽過外國有個男人
每日獨自駕車回家途中會打開錄音機
一吐工作上的不快
下車時洗掉記錄
為的是不把煩惱事帶給老婆和子女


人愈大, 可以吐心事的對象愈來愈少
工作忙, 朋友少了見面
沒有情人, 就算有也不想害對方擔心
家人常常見, 偏偏家人最不懂安慰你
通常情況是:

你: 工作好辛苦, 好攰
家人: 成日咁鬼夜訓, 緊係攰啦... (下刪一萬字)

你: 想遞信, 但之後冇方向
家人: 唔好做野啦, 讀書啦! 宜家冇個學位...(下刪一萬字)




結果你反而要多加一層壓力防止家暴發生
餘下的時間
只好在被窩中聽著音樂睡去





(周杰倫你到底唱緊嘜)

22.8.12

淚和擁抱



去年舊作今天用
沒有上過色
一切都是photoshop的功勞(讚嘆)

學生時代
曾經一次哭到臉部抽搐
發誓要永遠不再流淚

長大後
縱然每天心裡仍淚流不止
眼晴卻怎樣也流不出眼淚
心再痛苦
眼線體都會嫌我不夠辛不夠苦

幾乎同一時間
我愈來愈愛擁抱別人

不是色情愛撫
只是單純一手一抱的肌膚接觸
同性或異性
朋友或情人
我渴望從別人而來的溫暖

下班回到家
被暖水安慰肌膚的一瞬間
突然明白
每一個擁抱
就是一場無聲的哭泣

12.8.12

缺口



人的心靈或多或小都有個小小的缺口
可以是未了完的夢想, 逝去的愛情,
破碎的童年, 友情的芥蒂,
惜日的罪行, 不能見光的癮頭,
不願回首的意外, 對身邊人的內疚

這道小小的裂痕
我們用心保護, 隱藏, 遺忘
但當有一天
這個缺口不幸被壞人發現
我們就很容易被人擺佈, 控制

7.8.12

無憾


(網上圖片)

工作到恍神
腦中的幻想劇場發生騷動

-----------------------------------------

怪物離開地底
侵襲郊區的一個小鎮
人們慌忙逃生
人群中有一對年老夫婦
在人潮中停下腳步

老太太: 我想看看怪物的樣子

老先生: 你想死不成嗎?別停下來!快走!

老太太: 我都半隻腳進了棺材,沒關係吧!
我真的想看看世上未知的一切,讓這生無憾,
親愛的,你讓我去吧

老先生: 老婆,我和你生活了八十載,
我倆同甘共苦,未來還有更美滿的人生路要走,
我真的不願這個時候失去你!



很想知道最後老夫婦有沒有留下來

31.7.12

告別了, 亦是愛情

感謝這三個月來你的愛和照顧
也給機會我去愛你, 分享你的生活
和你在一起的這段時間
特別是新工作開始前的日子
是我活到現在
最快樂的日子之一
我沒想過
人可以活得這麼快樂
你帶我見識了很多, 遊歷很多
你給我一個小小的吻
勾一下小指
都可以令我深陷在幸福中無法自拔
從前, 情歌只是美妙的旋律
和你交往後, 情歌一首首活了起來
每天聽舊歌, 都會得到新的啟悟

然後新工作上場, 忙碌開始來了
現實的問題像影子般如影隨形
我倆的社交圈子不同
飲食, 用錢習慣不同
工作的級別有高低
生活長遠目標也不一致

我不想改變你的生活
但也明白自己已走不下去
曾經傻傻地問自己
如果天神給我力量
把我所有的一切變得和你匹配
日子將會多麼不同, 我和你將會多麼美好
然後另一個自己立即問我:
這還算是愛嗎?
很明顯: 不是

平靜的晚上
平靜的說了再見
感激你願意耐心聆聽
感激你也願意說出內心的感受
感激你願意繼續當我是朋友
感激你當過我的另一半
我也很榮幸當過你的情人
真的:' )




何必每件壯舉都需要理由 伴你去出走
快活而內疚 不管舉世追究
願扣上你雙手 自繁華浪處到沙丘
戀愛 能有幸這樣放肆至足夠



還記得好幾次
我們聊到清晨4點
你千辛萬苦才替我找到通宵小巴回家
我透過車窗尋找你的蹤影
同時打開耳筒聽著衛蘭的"離家出走"
那種感動
到現在還很回味

26.7.12

選擇



人不停的為著前面的路決擇
因為有決擇, 路上佈滿抱憾, 失望
也因為有決擇,
人對未來仍然可以抱持著一點點的希望

24.7.12

自我中心



人本來就是為了自己而活
為自己謀福利並不可恨
真正可恨的是明明眼中只有自己
卻帶上純真面具的偽善者

22.7.12

Redesign



設計工作中
我最享受幫 client redesign 的 project
理想情況如下:

i)   product 外表平凡, 但其實堅好用
ii)  之前的 graphic design 堅爛, 爛到冇朋友
iii) 有超充裕的設計時間

告訴了同行不同業的鱷魚先生這個想法
他一盤冷水潑過來說
不會, 從來不會有充裕的設計時間

 我也經歷過
很多 product 都是外表爛內在更爛

也有 product 外在內在都完美無疵
包括上一個廣告和包裝的graphic
根本就沒有改動的必要


前幾天加班 redesign 一份小冊子
夜已深, 很想放棄
但最後突然想通了, 完成了
爛的部分被隱藏, 轉化
好的部分被發揚出來
突然覺得
自己好愛設計
好愛自己

15.7.12

吸血鬼獵人:林肯



和鱷魚先生冷戰了4日
約出來後被迫看了"吸血鬼獵人:林肯"

一八一八年,印第安那州一間小屋裡
九歲的亞伯拉罕.林肯的母親被吸血鬼殺死
由於身高過人,力大無窮又擅長使斧
年輕的林肯踏上了復仇之路,最後一路直達白宮

世人稱頌林肯解放數百萬的黑奴、拯救了美國聯邦
但他與吸血鬼的戰爭,兩百年來卻罕為人知
改編自原著小說的"吸"片
重新建構這位美國最偉大總統的真實人生


老實說
看到yahoo簡介的"嗜血","殺戮戰曲","狂劈吸血鬼"
我連自己能否撐完全場都懷疑
但最後感覺是ok的
故事流暢不拖戲
吸血鬼愈看愈像喪屍這點我也可以接受

(我的內心世界中
吸血鬼應該又瘦弱又鬼祟
晚上變身小蝙蝠飛到古塔
咬了一下少女的喉嚨就離開了
然後第二天清晨少女和父母發現血印一面惶恐

戲中的吸血鬼顯然注射了嗎啡超級有精神
跳上跳落像在做極限運動
然後神出鬼末又超愛張開口(明明有手有腳有武器))

黑奴在戲中是吸血鬼的主要食糧
暗中養在家中每日放血飲用
林肯支持解放黑奴
主要是推翻吸血鬼王朝
但戲中也一再強調
沒有人應該做別人的奴隸
由黑人做了吸血食糧
溫和地帶到去社會上的不公義
看完此片
相信對黑人冷感的主義者應該可以用多一個角度思考吧

雖然是小說改編
但片子的成功
我相信添布頓也居功不少

13.7.12

螢之光:羅馬假期


(↑很想幫她托一托眼鏡)



由"螢之光"漫畫改編成電視劇,再改編成電影

女主角雨宮螢在公司裡是精明能幹, 光鮮亮麗的OL
公司外卻是個天天悠遊自在、生活宅到最高點的乾物女
因緣際會下, 搬到生活過分嚴謹的上司高野誠一家中
兩人由互相鄙視, 到互相愛慕
各自在對方身上看到自己生活缺欠的元素

電影版講述小螢與誠一結婚後
兩人去意大利羅馬蜜月旅行
但一天一天過去
討厭旅行的小螢只想盡早結束旅程, 回到日本
兩人又被逃至意大利暫居的乾物女冴木莉央纏擾
誠一更不幸被意大利黑手黨擄走
小螢努力發揮她的正能量
讓不幸旅程畫下完滿句點


人生一定要有意義嗎?
找不到,又如何?
工作上全力以赴
下班後吃飽睡睡飽吃
然後說一聲
"好舒服呀!活著真好"
這樣的人生又有甚麼問題?

不過
如果生活上有事物吸引到你
為你內心照出異樣的光彩
請不要放手
即使是很微少的光芒
它也會為你照亮前路

看過電視劇”螢之光”的朋友
非常建議去看

7.7.12

寧缺莫濫



前同事是社交性很強的人
朋友很多, 願意幫忙的朋友也很多
他去理髮, 朋友不會收他錢
新家裝修, 朋友幫忙設計及動工
買演唱飛, 朋友找朋友找朋友買
朋友們願意真心幫忙
因為他對每個朋友也用真心看待

和他做同事的兩年
他對大家的關心是我工作的動力
即使走了兩個多月
他還有問起我的近況
怕我找不到工作, 或叫價太低
我到現在還很感謝他


相反的, 我是社交性很弱的人
之前做了決定
生活上, 能放棄的就放棄
把fb上不想約出來吃飯的朋友del掉
然後戒掉無聊時看面書的行為
新認識的人一個月沒有交流就不再聯絡

而除非身心疲憊
密友最少一個月見一次臉
有事情發生了(如轉工, 感情起伏)
幾天內會和密友分享
不會等到飯局時
對方瞪大眼問:
"幾時ga事, 點解我唔知道ga!!"

羨慕朋友有難一呼百應
羨慕朋友有一大班人慶祝生日
羨慕朋友假期full schedule
但自問沒有心力維持友誼
又何必浪費他人時間?

29.5.12

Alice In Wonderland 2010



Little Alice:
Do you think I've gone round the bend?

Alice's Dad:
I'm afraid so. You're mad, bonkers, off your head.
But I'll tell you a secret. All the best people are.

-----------------------------------------
童話永遠都有治療的作用
即使交了給添布頓也不例外

十九歲少女愛麗絲訂婚之日遇上了一隻奇怪的兔子
為了逃避訂婚派對, 她跟著兔子來到化外世界
捲入了紅皇后與白皇后兩姐妹的戰爭之中

愛麗絲不相信自己可以改變一切
但想像力強化了愛麗絲的勇氣和決心
她把紅皇后最強魔物-天魔殺死,
回到現實世界, 拒絕婚約
並走上實現自我的道路


生活上有很多東西都不像我小時候的預期
不論愛情, 工作或家庭
前面的路看起來十分不可能
但我相信想像力可以強化勇氣同信心

美好的事物
一直在等待呼喚它的人

24.5.12



解不了的魔法
停不了的吻
醒不了的夢
不會消失的幸福

From《Clover》Clamp

-----------------------------------------
我愛你
愛你