22.4.15

我想自己開心, 更想身邊的人開心


由細到大
我一直唔知道自己最珍貴的能力係咩
以為係識畫畫, 扮好人, 細心, 懶斯文

但呢一年生活的穩定、同事的影響、遇到熊叔叔、再讀書
慢慢令我明白到自己最珍貴的力量, 係坦誠, 隨和, 同夠無聊(?)
我冇隱藏自己的性取向, 又唔介意做對方的下把
好多時身邊的人會願意同我講最無聊的私人事
或者平時只會放係心入面的說話

我想自己開心, 更想身邊的人因我而開心
我明白, 你令其他人快樂, 最後得益的人係自己
唔係我善良, 唔係我有美德, 只係我明白世界就係咁運作

依加生活上最大的滿足感
唔係靚靚仔仔做完一個ad, 唔係泡晒上堂的notes(事實上兩樣都冇發生過)
而係見到自己愛錫的人開懷咁笑, 同輕鬆咁做返自己

20.4.15

隔離位全屏睇緊金像獎頒獎典禮重播


忙碌的星期一早上
當你係公司發左兩個鍾頭吽豆而為自己感到有小小唔好意思的時候
轉身見到隔離位全屏睇緊金像獎頒獎典禮重播
你會突然之間好想大叫一句
公司萬歲!

1.4.15

我唔知點做好


"我唔知點做好"呢六個字,
人就算去到一百歲都有機會講。

我估人活左大半生,
到頭來學會的唔係去避開"我唔知點做好"呢六個字,
而係學會即使"唔知點做好",都敢於挺起胸膛做人,
有面對不可預知未來的勇氣。